«12 naýryzda indet juqtyrýdyń alǵashqy oqıǵalary anyqtalǵan kezde, biz shuǵyl karantındik sharalardy qabyldadyq. Eger de 16 naýryzda karantın jarııalanbaǵanda, 8 táýlikten keıin 4,5 myń naýqas tirkeler edi. Bul kórsetkishke tek eki aıdan keıin ǵana jetti. Memleket basshysy jarııalaǵan karantın men tótenshe jaǵdaı óte mańyzdy ról atqardy, biz indettiń taralýyna tosqaýyl qoıa aldyq jáne medısınalyq uıymdarǵa júktemeni azaıttyq», - dedi Eljan Birtanov.
Onyń aıtýynsha, elimizde indet juqtyrý ósiminiń qarqyny alǵashqy kúnderi táýligine 50-60 paıyzǵa deıin kóterilgen. Qazir bul kórsetkish 3-5 paıyz deńgeıinde.
«Árıne, adamdar jarııalanǵan kórsetkishterge qarap úreılenýde. Búginde tek úsh myń adam medısınalyq uıymdarǵa jatqyzylǵan. Iаǵnı 1,5 myń adam emdelip, úılerine oraldy», - dedi Eljan Birtanov.
